ہم جب اردو کی بات کرتے ہیں تو بہت سے لوگ سمجھتے ہیں کہ غالب و میر کی شاعری کی بات ہو رہی ہے یا پھر ناول اور افسانوی تحاریر کی بات ۔۔۔۔۔۔۔۔۔۔۔
اردو ایک زبان ہے' زبان میں ادب ہوتا ہے ' ادب میں زبان نہیں ہوتی ۔۔۔۔۔۔
پوری دنیا میں تحقیقات ہو رہی ہیں ' سائنس کے متعلق نئ سے نئ ایجادات ہو رہی ہیں' ایسے سائنسی مضامین کو اردو زبان کی اشد ضرورت ہے ۔ جب تک بین الاقوامی ادب کے ساتھ ہم اردو کو نہیں جوڑیں گے تب تک ہمارے معاشرے میں ترقی کے اثرات نظر نہیں آئیں گے۔
بہت سا کام ہو رہا ہے ' ایسے سافٹ وئیر ایجاد ہوئے ہیں جو اردو زبان سے متعلق ہماری رہنمائ کرتے ہیں۔
ہم اس زبان کو صرف افسانوی تحاریر یا شاعری تک محدود نہ رکھیں' بلکہ اس میں وسعت پیدا کریں۔ میرا ایک طالبعلم کی حیثیت سے مشورہ ہے کہ جو جس شعبے کے ساتھ منسلک ہے وہ اسی کے متعلق لکھے۔
جیسے کوئ کاروبار کرتا ہے تو اپنی کاروباری زندگی کے تحربات لکھے۔ کوئ آئ ٹی سے منسلک ہے تو انفارمیشن ٹیکنالوجی کے بارے میں دلچسپ انداز میں مضامین لکھے۔
صرف شاعری یا افسانوی تحاریر ہی اردو کی ترقی میں معاون نہیں ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
از: عبدالباسط احسان
